ذي بعض القصائد اللي كتابها بعض الشعراء في شاعرنا الكبير :
... عبدالله بن هويدي العدواني ...
الشاعر حسن بن علي بن محمد بن عبيدالله بن محمد بن عبيدالله بن عون بن محمد الجمهوري العدواني
قال في أبو ديــمة ..
مرحبـا عـداد همـال المخيلـه = ومرحبا عـد الدقائـق والثوانـي
ومرحبا يابن هويـدي كـل ليلـه = ومرحبا ياشاعر شعـره سبانـي
أنت أمير الشعر وتكفيك القبيلـه = وقايد الشعار من قاصـي ودانـي
وقايـد الشعـار مايبغـى دليلـه = وأنت راع الأولـه مانتـه بثانـي
وأشهد انك شاعر(ن)مافيك حيلـه = وجبت للشعار جـزلات المعانـي
ومن رواسي جبتها بأبسط وسيله = ومن تحداك أصبحت عشره ثماني
وبالمعارف راقي ارجومن طويلـه = قبـل مايرقـى فـلان ولافلانـي
وأنت راع الطيب والخيل الأصيله = ومكرم الضيفان وتحب العوانـي
والله يوفقـك يـاراع الجميـلـه = دعوتنا من شيخ في الركن اليماني
وأسمحولي هـذي بيوتنـا قليلـه = وكانت أكثر لويطاوعنـي زمانـي
الشاعر منصور فارس بن مشعل العدواني
قال عن أبو ديــمة ..
ياالشعر لاتشتكي من عزك المفقـود = شكواك حمل "ن" على ظهر الجمل هده
لو أنها ياالقصايـد ناقـد و منقـود = والله والله ماشـفـنـاك يــانــده
لكنهـا بالدراهـم تآخـذ المقصـود = حتى تقول العرب يانـاس مـن قـده
لو أن مابه رجا لـو أن مابـه فـود = شاعر عرب وأنتهى أخذ الخبـر وده
ولا أنت يااللي رسيت وماقفك مشهود = من هو جحد وقفتك لارحم أبو جـده
بنات فكري على عـدك تراهـا ورود = يامدرسة شعر ماعنـك تـرى صـده
سموك ربعك بقلب الذيب راع الجـود =وأنا أشوفك كما الشيهان فـي هـده
حنا حزامك وسيفـك فاليـال السـود =سيف"ن" صقيل أصدق الأخبار في حده
معك معك ياالهويدي وأنت أرق سنود =نمشي معك لو يطول الدهـر والمـده
لك فالحشا منزله وأبرمت فيه عهـود =على الوفا لو ضميري بيحـوا سـده
الشاعر حمود بن مطر الخماش العدواني
قال عن شاعرنا: أبن هويدي ..
ياحي قـافٍ شيلتـه تجلـي البـأس = ياطيب حرفـه يـوم قافـه بدالـي
قافٍ مسنّد بَدعِتِـه جـت علـى آس = وعجزه تعلا واعتـلا حـرف آلـي
قاف مصخّر من بديعـات الأجنـاس = ماتفتلـه غيـر العـزوم الثقـالـي
من شاعرٍ يسطا على وضح الأشماس = زيــزوم حرٍ فاللـقـا مايـبـالـي
ساقه على ربعـه كما وبـل هـداس = يوم الوفا طبعـه علـى كـل حالـي
عبدالله هويـدي عمـى كـل بـلاس = من عزوةٍ يرخص لهـا كـل غالـي
ماهي غريبه من بعيديـن الأرمـاس = عـدوان والطـالات بـأول وتالـي
ديارنا شرب المسمّى علـى سـاس = وشرق الحويـّه شعبهـا والعوالـي
والجربه الي دونها راحـت أنفـاس = ماجت عطايا جـت بقـدح الفتالـي
والعقرب العليا علـى كـل مـرواس = دار بهـا شيـخ تـعـلا وصـالـي
والبارده مع صلبـه عيـن قرنـاس = فيهـا عكـاظ اليا ذكرلـه مجـالـي
والمجنب الي ماوطـو فيه الأنجـاس = دونـه صناديـدٍ تـروم المعـالـي
أما العبيلا حطهـا بيـن الأقـواس = فيهـا لنـا ماضـي وعـز يلالـي
والا الفريـده ياهـوى كـل جـلاس = درع حصين ليـا هفـا كـل بالـي
هذي منازلنا وهـي مقـدم السـاس = يـوم المقـاني واردات المفـالي
دار حميناها على وقـت الأعبـاس = بمشوكن يطـرب لهـا كـل والـي
فيها لنا وقفـات وأعيـاد وأونـاس = تشهد بها العربـان وقـت النزالـي
مرحوم ياشيخٍ لـه الفعـل يستـاس = مرهب طواغيـت البغـا والظلالـي
شيـخٍ بنـا للمجـد هيبـه ومقبـاس = عثمـان ماجالـه شبيـه ومثـالـي
مشبع طيورالجوو ووحوش الأضـراس = مروي ظما سيفـه بحمـر الغوالـي
يشهد له التاريخ وأفواج الأحبـاس = وتشهـد بسـل بشعابهـا والسهالـي
ويرحم رجالٍ طوعوا كـل عسـّاس = اللـي لهـم بالمجـد حـق يقـالـي
كنيدش اللي سطوته ضرب وفـراس = وهاضل عريب الجد زبن الجوالـي
ومساعد بن عميق خيـال الأفـراس = مع تركي بن سنان جـزل المقالـي
اللي شرب دم العـدا مبعـد اليـأس = قـوم لهـم بالعـز صيـت يشالـي
ياما خذو واعطـوا بلاحـد وقيـاس = منهـم وفيهـم بيـرق العـز عالـي
وصلاة ربي كـل ماهـب نسنـاس = على نبـي الحـق زيـن الخصالـي
لاجا نهـار فيـه الأريـاق يبّـاس = شفيعنـا اللـي شفعـه ذو الجلالـي
